Vefleiðangur: Galdraleikrit
	Kynning Verkefni Bjargir Ferli Mat Niðurstaða
Kynning	Einn nafntogaðasti galdramaður Íslandssögunnar var Jón Guðmundsson lærði. Jón mátti dúsa í útlegð drjúgan hluta ævi sinnar og átti að ýmsu leyti afar viðburðaríka ævi.
Verkefni	Leikgerð um Jón og ævi hans, velta fyrir sér umhverfi, aðstæðum og slíku. Í þetta verkefni þarf allstóran og samstilltan hóp sem skiptir með sér verkum á skipulagðan hátt.
Bjargir	Viskubrunnur Flettu upp í nafnaskrá bókarinnar Öldin sautjánda og glósaðu allt sem þar er að finna um Jón lærða. Reyndu að setja það í tímaröð þannig að úr verði atburðarás sem síðar verður notuð sem beinagrind að leikgerð. Heimsæktu Galdrasýningu á Ströndum eða farðu á vef sýningarinnar og skoðaðu sviðsmynd og það sem þar er að finna og gefur dálitla hugmynd um umhverfi.
Ferli	Búa til leikgerð af ævisögu Jóns til flutnings t.d. á árshátið skólans eða á foreldrakvöldi. Þetta leikrit mætti líka flytja á sýningu á þemaverkefni um galdra. Það ræðst af tíma og aðstæðum hversu mikið lagt er í handrit og æfingar.
Mat	Metið er hversu hugmyndaríkir og sjálfbjarga nemendur eru við undirbúningsvinnuna. Einnig frumkvæði og framlög við efnisöflun og við að afla þess sem til þarf fyrir leiksýningu, s.s. búa til sviðsmynd, leikmuni, búninga o.fl. Við sýninguna er metin frammistaða á sviði og þau atriði sem kennari hefur lagt áherslu á við æfingar, s.s. framsögn, staða á sviði o.s.frv.
Niðurstaða	Leikritið er hægt að flytja á árshátið, foreldrakvöldi, eða sýningu á þemaverkefni. Þá mætti útbúa leikgerð með flutning í skólaútvarpi í huga. Þar með er meiri áhersla lögð á textann og leiklestur en ekki þarf að huga að uppsetningu.
	©2001. Kristín Sigurrós Einarsdóttir Grunnskólakennari á Hólmavík Verkefnið skal ekki nota án þess að höfundar sé getið á einhvern hátt.