2. Bréf frá ÁTVR um opnun vínbúðar í Hólmavíkurhreppi: Borist hefur
bréf dags. 9. september 2003 frá ÁTVR  þar sem tilkynnt er að lögð hefur
verið fram tillaga til Fjármálaráðuneytis um að vínbúð verði opnuð á
Hólmavík á næsta ári.

3. Erindi frá Sambandi íslenskra sveitarfélaga um fjármálaráðstefnu
sveitarfélaga 2003: Borist hefur bréf dags. 4. sept. 2003 um
fjármálaráðstefnu Sambands íslenskra sveitarfélaga í Reykjavík dagana 5. og
6. nóvember n.k. Samþykkt var að fela sveitarstjóra að sækja ráðstefnuna.

4. Úttekt Heilbrigðiseftirlits Vestfjarða á leiksvæðum og leiktækjum á
Hólmavík: Borist hefur bréf dags. 4. september 2003 frá
Heilbrigðiseftirliti Vestfjarða, varðandi úttekt á leiksvæði og leiktækjum á
Hólmavík. Farið var yfir athugasemdir og ætlast hreppsnefnd til að
sveitarstjóri hlutist til um úrbætur.

5. Úttekt Löggildingarstofu á Félagsheimili: Borist hefur úttekt
Löggildingarstofu á raflögnum í Félagsheimili Hólmavíkur. Farið var yfir
skýrslur og athugasemdir eftirlitsins og telur hreppsnefndin nauðsynlegt að
sveitarstjóri ræði við rafvirkjameistara hússins um lausnir sem kann að
þurfa.

6. Kynning á norrænni ráðstefnu um mat og gæðastjórnun sem þróunartækis í
grunn- og framhaldsskólum: Borist hefur bréf frá menntamálaráðuneytinu
dags. 28. ágúst um norræna ráðstefnu 27.-28. nóvember 2003 í Svíþjóð.
Lagt fram til kynningar.

7. Fundargerð Félagsmálaráðs Hólmavíkurhrepps dags. 12. september 2003:
Lögð fram fundargerð félagsmálaráðs og var hún samþykkt samhljóða.

8. Fundargerð Skipulags-, umferðar- og byggingarnefndar Hólmavíkurhrepps
dags. 15. september 2003: Málið tekið út af dagskrá.

9. Fundargerð 56. fundar Launanefndar sveitarfélaga dags. 2. september 2003: Borist hefur bréf dags. 5. september 2003 frá Sambandi íslenskra
sveitarfélaga ásamt fundargerð Launanefndar og Kennarasambands Íslands.
Lagt fram til kynningar.

Björn Fannar Hjálmarsson kvaddi sér hljóðs utan dagskrár og gerði að
umræðuefni fráveitumál á Hólmavík og sér í lagi úrgang frá rækjuverksmiðju
Hólmadrangs hf. Sveitarstjóri varð fyrir svörum og gerði grein fyrir því
sem er til skoðunar til úrbóta.

Fundargerð lesin upp og samþykkt. 

Fleira ekki gert, fundi slitið kl. 18:10.

Engilbert Ingvarsson (sign), Elfa Björk Bragadóttir (sign), Björn Hjálmarsson (sign), Valdemar Jónsson (sign), Kristín S. Einarsdóttir (sign), Gunnar S. Jónsson (sign), Ásdís Leifsdóttir (sign).