|
1026. fundur - 24. feb. 2004
Ár 2004 þriðjudaginn 24. febrúar var
haldinn fundur í hreppsnefnd
Hólmavíkurhrepps. Fundurinn var haldinn á skrifstofu
hreppsins og hófst hann
kl. 17.00.
Haraldur V.A. Jónsson oddviti setti
fundinn og stjórnaði honum en auk hans sátu fundinn Elfa Björk
Bragadóttir, Valdemar Guðmundsson, Kristín S. Einarsdóttir
og Már Ólafsson varamaður. Auk þeirra sat fundinn Ásdís
Leifsdóttir sveitarstjóri. Fundarritari var Engilbert
Ingvarsson.
Þetta var gert:
Oddviti kynnti boðaða dagskrá í 10 töluliðum,
sem var eftirfarandi:
-
1. Erindi frá
Fjórðungssambandi Vestfirðinga um tilnefningu fulltrúa
fyrir Hólmavíkurhrepp í sjö manna starfshóp um samgöngumál.
-
2. Erindi frá
Fjórðungssambandi Vestfirðinga um sameiginlegt skipulag
fyrir fjórðunginn sem byggi á sjálfbærri þróun.
-
3. Erindi frá
nefnd um sameiningu sveitarfélaga um ósk um samstarf um
vinnslu tillagna um sameiningarkosti.
-
4. Skýrsla
sveitarstjóra.
-
5. Beiðni um
fjárstyrk frá Félagi áhugamanna um varðveislu á Kópnesi
á Hólmavík.
-
6. Umsókn frá
Ólöfu Jónsdóttur og Reyni Stefánssyni um greiðslu
vegna námsdvalar á Hólmavík.
-
7. Erindi frá
Sambandi íslenskra sveitarfélaga dagsett 10. febrúar um
grunnskólaþing 26. mars 2004.
-
8. Ársskýrsla
Héraðsbókasafns Strandasýslu.
-
9. Fundargerð
verkfundar frá 10. febrúar sl. vegna íþróttamiðstöðvar
á Hólmavík.
-
10. Fundargerð
191. fundar Launanefndar sveitarfélaga dags. 10. febrúar
2004 og 15. fundar Samstarfsnefndar launanefndar og
Kjarna.
Þá var gengið til dagskrár:
1. Erindi frá Fjórðungssambandi
Vestfirðinga um tilnefningu fulltrúa fyrir
Hólmavíkurhrepp í sjö manna starfshóp um samgöngumál.
Borist hefur bréf dags. 12. febrúar 2004 með samþykkt frá
48. Fjórðungsþingi í Reykjanesi 5. til 6. september sl. um
að kjósa 7 manna nefnd um samgöngumál. Stjórn Fjórðungssambandsins
gerir tillögu um skiptingu fulltrúa í nefndina á milli
sveitarfélaga á Vestfjörðum og verði einn nefndarmanna frá
Hólmavík. Oddviti lagði til að Björn Hjálmarsson verði
fulltrúi Hólmavíkurhrepps og var það samþykkt samhljóða
með öllum atkvæðum.
2. Erindi frá Fjórðungssambandi
Vestfirðinga um sameiginlegt skipulag fyrir
fjórðunginn sem byggi á sjálfbærri þróun. Borist hefur
bréf dags. 12. febrúar 2004 frá Fjórðungssambandi Vestfirðinga
er varðar ályktun frá 48. Fjórðungsþingi. Samþykkt var
að taka jákvætt í erindið.
3. Erindi frá nefnd um sameiningu
sveitarfélaga um ósk um samstarf um
vinnslu tillagna um sameiningarkosti. Borist hefur bréf dags.
22. janúar 2004 frá nefnd um sameiningu sveitarfélaga varðandi
ósk um samstarf um vinnslu tillagna um sameiningarkosti og er
landshlutasamtökum gefinn kostur á að leggja fram tillögur
um sveitarfélagaskipan. Lagt fram til kynningar.
4. Skýrsla sveitarstjóra. Sveitarstjóri
lagði fram skýrslu um nokkur mál til upplýsinga og
athuganir, í framhaldi af því var eftirfarandi samþykkt:
-
a. Hætt verði að greiða
skotverðlaun fyrir veiðar á ref og mink, að svo komnu
máli.
-
b. Sveitarstjóra var falið að
vinna að úrbótum í neysluvatnsöflun á
Hólmavík og kanna kostnað við nauðsynlegar framkvæmdir.
-
c. Leikskólastjóri hefur sagt
upp störfum og var sveitarstjóra falið að
auglýsa eftir nýjum leikskólastjóra.
5. Beiðni um fjárstyrk frá Félagi áhugamanna
um varðveislu á Kópnesi á
Hólmavík. Borist hefur bréf dags. 7. febrúar 2004 frá Sævari
Benediktssyni fyrir hönd Félags áhugamanna um varðveislu
á Kópnesi, sem stofnað var 12. des. 2003. Félagið sækir
um styrk til að geta byrjað starfsemi. Oddviti lagði til að
veita 50 þúsund króna styrk úr sveitasjóði til
verkefnisins. Tillagan var samþykkt samhljóða með 5 atkvæðum.
6. Umsókn frá Ólöfu Jónsdóttur og
Reyni Stefánssyni um greiðslu vegna
námsdvalar á Hólmavík. Borist hefur bréf frá Ólöfu og
Reyni í Hafnardal dags. 3. febr. sl. þar sem farið er fram
á að sonur þeirra verði ekki með í heimanakstri í skóla,
en óska þess í stað að fá greiðslu vegna námsdvalar á
Hólmavík. Samþykkt var að heimila sveitarstjóra að ná
samkomulagi um lausn málsins.
7. Erindi frá Sambandi íslenskra
sveitarfélaga dagsett 10. febrúar um grunnskólaþing 26.
mars 2004. Borist hefur bréf dags. 10. febr. sl. frá
Sambandi ísl. sveitarfélaga varðandi grunnskólaþing, sem
verður haldið á Hótel Sögu 26. mars 2004. Lagt fram til
kynningar og vísað til skólanefndar.
8. Ársskýrsla Héraðsbókasafns
Strandasýslu. Lögð fram ársskýrsla 2003 frá Héraðsbókasafni.
Bókaverði var þökkuð góð skýrsla um starfsemina. Lögð
fram til kynningar.
9. Fundargerð verkfundar frá 10. febrúar
sl. vegna íþróttamiðstöðvar á
Hólmavík. Lögð fram skýrsla um verkfund varðandi
byggingu íþróttamiðstöðvar. Fundinn sátu Ásdís Leifsdóttir
sveitarstjóri, Haraldur V.A. Jónsson oddviti, Gísli
Gunnlaugsson byggingafulltrúi og Guðmundur Friðriksson
verktaki. Í fundargerðinni koma fram margvíslegar upplýsingar
um ýmsa verkþætti og skýringar á álitaefnum og svör frá
hönnunarfyrirtækinu Arkís, sem hefur teiknað mannvirkin.
Lagt fram til kynningar.
10. Fundargerð 191. fundar Launanefndar
sveitarfélaga dags. 10. febrúar 2004 og 15. fundar Samstarfsnefndar
launanefndar og Kjarna. Borist hefur bréf dags. 10. febrúar
2004 frá Samb. ísl. sveitarfélaga ásamt fundargerðum
Launanefndar sveitarfélaga frá 4. febrúar og 5. febrúar.
Lagt fram til kynningar.
Fundargerð lesin upp og samþykkt. Fleira
ekki gert, fundi slitið kl. 18:40.
Engilbert Ingvarsson (sign)
Haraldur V. A. Jónsson (sign)
Már Ólafsson (sign)
Elfa Björk Bragadóttir (sign)
Kristín S. Einarsdóttir (sign)
Valdemar Guðmundsson (sign)
Ásdís Leifsdóttir (sign)
|
