Hólmavíkurhreppur
Hafnarbraut 19, 510 Hólmavík - Sími: 451 3510
|
|
Hólmavíkurhreppur
|
|
|
Ár 2004 þriðjudaginn 19. október 2004
var haldinn fundur í hreppsnefnd Hólmavíkur. Fundurinn var
haldinn á skrifstofu hreppsins og hófst hann kl. 17:00. Haraldur V.A. Jónsson oddviti setti
fundinn og stjórnaði honum en auk hans sátu fundinn Elfa Björk
Bragadóttir, Valdemar Guðmundsson, Eysteinn Gunnarsson og
Kristín S. Einarsdóttir. Auk þeirra sat fundinn Ásdís
Leifsdóttir sveitarstjóri. Fundarritari var Engilbert
Ingvarsson. Þetta var gert: Varaoddviti kynnti boðaða dagskrá í 8
töluliðum, sem var eftirfarandi: 1. Greinargerð og tillögur verkefnisstjórnar um
eflingu sveitarstjórnarstigsins. 2. Beiðni um styrk frá kvennakórnum Norðurljósum
vegna tónleikaferðar. 3. Umsókn frá Jóni Alfreðssyni um leyfi til reksturs
veitingastofu/greiðasölu í söluskála við Höfðatún, Hólmavík. 4. Erindi frá Heilbrigðiseftirliti Vestfjarða um niðurstöður
sýnatöku á neysluvatni í Hólmavík. 5. Endurskoðun á opnunartíma sundlaugar. 6. Erindi frá Kristínu S. Einarsdóttur vegna fréttablaðsins
Fréttirnar til fólksins. 7. Fundargerð Byggingar-, umferðar-og skipulagsnefndar
Hólmavíkurhrepps frá 7. október sl. 8. Fundargerð Atvinnu- og hafnarstjórn Hólmavíkurhrepps
frá 7. október sl. Þá var gengið til dagskrár: 1. Greinargerð og tillögur verkefnisstjórnar um
eflingu sveitarstjórnarstigsins. Borist hefur greinargerð og
tillögur verkefnisstjórnar um eflingu sveitarstjórnarstigsins
varðandi breytingar á verkaskiptingu ríkis og sveitarfélaga,
dagsett 16. apríl 2004. Í tillögum verkefnisstjórnarinnar
koma fram hugmyndir um flutning á mörgum málaflokkum til
sveitarfélaganna sem eru á vegum ríkisins nú. Lagt
fram til kynningar, en verður tekið fyrir til afgreiðslu
eftir hálfan mánuð. 2. Beiðni um styrk frá kvennakórnum Norðurljósi
vegna tónleikaferðar. Borist hefur bréf
dags. 30. sept 2004 frá Kvennakórnum Norðurljósum vegna tónleikaferðar
til Danmerkur, og farið fram á styrk til fararinnar. Samþykkt
var með þremur atkvæðum að veita kr. 100.000.- í styrk
til Kvennakórsins Norðurljós. Eysteinn Gunnarsson vék af
fundi við afgreiðslu málsins. 3. Umsókn frá Jóni Alfreðssyni um leyfi til reksturs
veitingastofu/greiðasölu í söluskála við Höfðatún, Hólmavík.
Borist hefur frá sýslumanni bréf dags. 21. september með
umsókn um leyfi til reksturs veitingastofu/greiðasölu í söluskála
Kaupfélags Steingrímsfjarðar við Höfðatún.
Hreppsnefnd samþykkir fyrir sitt leyti rekstrarleyfið. 4. Erindi frá Heilbrigðiseftirliti Vestfjarða um niðurstöður
sýnatöku á neysluvatni í Hólmavík. Borist hefur bréf
dags. 29. sept. 2004 frá Heilbrigðiseftirliti Vestfjarða,
ásamt rannsóknarniðurstöðum á neysluvatni á Hólmavík
frá sl. sumri. Niðurstaða á mati sýna er vatnið stenst gæðakröfur
samkv. Reglugerð nr. 536/01. Lagt fram til kynningar. 5. Endurskoðun á opnunartíma sundlaugar. Fyrir liggur
fjöldi sundlaugargesta og eru þeir í september 870 fullorðnir
og 661 barn og 1.-15. október 454 fullorðnir og 31 barn. Samþykkt
var að opnunartími sundlaugar verði frá 16:00 til 21:00, 5
daga vikunnar og kl. 12:00 til 17:00 um helgar. 6. Erindi frá Kristínu S. Einarsdóttur vegna fréttablaðsins Fréttirnar til fólksins. Borist hefur bréf dags. 15. október 2004 frá Kristínu S. Einarsdóttur kennara, sem hefur séð um upplýsingarit um málefni Hólmavíkurhrepps og nefnt hefur verið Fréttirnar til fólksins. Varpað er fram spurningu um framtíðarútgáfu og fyrirkomulag hennar. Samþykkt að kanna kostnað við útgáfu blaðs og afla upplýsinga um fyrirkomulag við útgáfu upplýsingarita hjá hliðstæðum sveitarfélögum. 7. Fundargerð Byggingar-, umferðar- og skipulagsnefndar Hólmavíkurhrepps frá 7. október sl. Lögð fram fundargerð B.U.S frá 7. okt. sl. Eftir umræður um fundargerð var 1. liður hennar samþykktur. Einnig var samþykkt að setja upp lýsingu innan girðingar við sundlaug. En bókun um a, e og d lið framkvæmda var ákveðið að fresta til næsta árs. 8. Fundargerð Atvinnu- og hafnarstjórn Hólmavíkurhrepps
frá 7. október sl. Lögð fram fundargerð Atvinnu- og
hafnarstjórnar frá 7. okt. Fundargerðin var samþykkt
samhljóða. Fleira ekki gert, fundi slitið kl. 19:15.
|
|
|
|
HÓLMAVÍKURHREPPUR,
HAFNARBRAUT 19, 510 HÓLMAVÍK |
|
