Hólmavíkurhreppur
Hafnarbraut 19, 510 Hólmavík - Sími: 451 3510
|
|
Hólmavíkurhreppur
|
|
|
Ár 2004 þriðjudaginn 9. nóvember 2004 var haldinn fundur í hreppsnefnd Hólmavíkur. Fundurinn var haldinn á skrifstofu hreppsins og hófst hann kl. 17:00. Haraldur V.A. Jónsson oddviti setti
fundinn og stjórnaði honum en auk hans sátu fundinn Elfa Björk
Bragadóttir, Valdemar Guðmundsson, Eysteinn Gunnarsson og
Kristín S. Einarsdóttir. Auk þeirra sat fundinn Ásdís
Leifsdóttir sveitarstjóri. Fundarritari var Engilbert
Ingvarsson. Þetta var gert: Varaoddviti kynnti boðaða dagskrá í 16 töluliðum, sem var eftirfarandi: 1. Erindi frá Einari Hafliðasyni um fjallskilamál. 2. Tilboð í Austurtún 12. 3. Tilboð í hluta útihúsa að Víðidalsá frá áhugahópi
um hesthús á Hólmavík. 4. Svarbréf frá Flugmálastjórn vegna sjúkraflugs um
Hólmavíkurflugvöll. 5. Tilboð í gerð minigolfbrauta fyrir Hólmavíkurhrepp
frá Halldóri Eydal. 6. Skýrsla um rekstur Upplýsingamiðstöðvar á Hólmavík
árið 2004. 7. Erindi frá Kristínu S. Einarsdóttur vegna útgáfu
fréttablaðs. 8. Erindi frá árshátíðarnefnd Hólmavíkurhrepps. 9. Beiðni um fjárstyrk frá Háskólasetrinu í
Hveragerði. 10. Beiðni um fjárstyrk frá Stígamótum fyrir árið
2005. 11. Fundargerð Byggingar-, umferðar- og
skipulagsnefndar Hólmavíkurhrepps frá 27. okt. sl. 12. Fundargerð Atvinnumálanefndar og hafnar Hólmavíkurhrepps
frá 27. október sl. 13. Fundargerð bókasafnsnefndar frá 2. nóvember 2004
og drög að ársskýrslu 2004. 14. Fundargerð heilbrigðisnefndar Vestfjarða frá 22.
október 2004. 15. Fundargerð 196. fundar Launanefndar sveitarfélaga
frá 14. október 2004. 16. Erindi frá íbúum við Ísafjarðardjúp til Símans um ISDN tengingu. Þá var gengið til dagskrár: 1. Erindi frá Einari Hafliðasyni um fjallskilamál.
Borist hefur bréf dags. 20. október sl. frá Einari Hafliðasyni
bónda í Fremri-Gufudal þar sem hann krefst þess að Hólmavíkurhreppur
sjái um fjallskil á landi frá norðan Reiphólsfjalla að
Kirkjubóli í Langadal. Sveitarstjóri upplýsti að smölun
hefði farið fram á vegum Hólmavíkurhrepps sl. sunnudag þann
7. nóv. Sveitarstjóri sagði að borist hefði reikningur
fyrir smölum frá Einari Hafliðasyni, sem fór fram í
vikunni áður, án þess að láta sveitarstjóra vita af því.
Samþykkt var að endursenda reikning frá Einari Hafliðasyni
þar sem hann hefði ekki samið um smölun og þar sem
fjallskil hefðu farið fram á vegum Hólmavíkurhrepps þann
7. þessa mánaðar. 2. Tilboð í Austurtún 12. Elfa Björk Bragadóttir vék
af fundi við afgreiðslu málsins. Borist hafa tvö tilboð
í Austurtún 12 að upphæð kr. 4.400.000.- og 4.600.000.-
Samþykkt var að hafna báðum tilboðunum og auglýsa íbúðina
aftur. 3. Tilboð í hluta útihúsa að Víðidalsá frá áhugahópi
um hesthús á Hólmavík. Ásdís Leifsdóttir og Kristín S.
Einarsdóttir véku af fundi við afgreiðslu málsins. Borist
hefur bréf dags. 27. október 2004 þar sem ítrekað er
tilboð í kaup á 1/3 af fjárhúsi á Víðidalsá, sem
hefur verið innréttað sem hesthús og notað af nokkrum
hrossaeigendum, en fyrir hönd þeirra undirrita kauptilboðið
Victor Örn Victorsson og Kristján Sigurðsson. Samþykkt var
að afgreiða málið ekki á fundinum, en fela Valdemar Guðmundssyni
og Eysteini Gunnarssyni að ræða við umbjóðendur og ná
samkomulagi um verð. 4. Svarbréf frá Flugmálastjórn vegna sjúkraflugs um
Hólmavíkurflugvöll. Borist hefur bréf dags. 1. nóvember
2004 frá Flugmálastjórn varðandi sjúkraflug um Hólmavíkurflugvöll.
Í bréfinu kemur fram að flugvöllurinn á Hólmavík sé
skilgreindur sem “Lendingarstaður” án þess að hafa
fastan starfsmann. Samþykkt var að fela sveitarstjóra að
afla umsagnar Heilbrigðisstofnunar Hólmavíkur varðandi sjúkraflug
til Hólmavíkur og taka málið síðan fyrir á
hreppsnefndarfundi. 5. Tilboð í gerð minigolfbrauta fyrir Hólmavíkurhrepp
frá Halldóri Eydal. Borist hefur bréf dags. 21. nóvember
2004 frá Halldóri Eydal í Bolungarvík ásamt myndum af
minigolfbrautum í samræmi við áður sent tilboð í slíkar
brautir. Samþykkt var að hafna tilboðinu. 6. Skýrsla um rekstur Upplýsingamiðstöðvar á Hólmavík
árið 2004. Borist hefur bréf dags. 26. okt. 2004 frá Sögusmiðjunni
varðandi Upplýsingamiðstöðvar ferðamála á Hólmavík,
ásamt skýrslu um rekstur sl. sumars. Lagt er til að miðstöðin
verði rekin með svipuðu sniði og verið hefur næsta ár,
en opnunartími verði lengri. Lagt fram til kynningar. Samþykkt
var að fela sveitarstjóra að semja við Sögusmiðjuna um
rekstur Upplýsingamiðstöðvarinnar næsta ár, en öll
starfsemin verði í verktöku. 7. Erindi frá Kristínu S. Einarsdóttur vegna útgáfu
fréttablaðs. Kristín S. Einarsdóttir lagði fram upplýsingar
um útgáfu og kostnað á fréttablöðum sem eru gefin út
hjá nokkrum sveitarfélögum. Rætt var um ýmsa möguleika
við útgáfu á upplýsingablaði fyrir Hólmavíkurhrepp.
Samþykkt var að fela sveitarstjóra að semja við Kristínu
S. Einarsdóttur um útgáfu blaðsins “Fréttir til fólksins”
fram að áramótum, en vinna að stefnumótun um útgáfu á
blaði eftir áramótin. 8. Erindi frá árshátíðarnefnd Hólmavíkurhrepps.
Borist hefur bréf frá árshátíðarnefnd starfsmanna Hólmavíkurhrepps,
þar sem farið er fram á fyrirgreiðslu vegna árshátíðar
þann 12. nóvember nk. Samþykkt var að veita heimild til að
greiða allt að kr. 90.000.- vegna árshátíðar. 9. Beiðni um fjárstyrk frá Háskólasetrinu í
Hveragerði. Borist hefur bréf dags. 1. nóvember 2004 með
beiðni um styrk til Háskólaseturs í Hveragerði. Samþykkt
var að hafna erindinu. 10. Beiðni um fjárstyrk frá Stígamótum fyrir árið
2005. Borist hefur bréf dags. 2. nóvember 2004 frá Stígamótum
um fjárstyrk fyrir árið 2005. Samþykkt var að hafna
erindinu. 11. Fundargerð Byggingar-, umferðar- og skipulagsnefndar Hólmavíkurhrepps frá 27. okt. sl. Lögð fram fundargerð B.U.S frá 27. okt. Hreppsnefndin samþykkir 1. lið og 2. lið a) og b), en tekur c), d) og e) lið sem ábendingar þar sem ekki er viðurkennt að nefndin geti “krafist” framkvæmda á vegum hreppsins. 12. Fundargerð Atvinnumálanefndar og hafnar Hólmavíkurhrepps
frá 27. október sl. Lögð fram fundargerð atvinnumálanefndar
og hafnarstjórnar frá 27. okt. sl. þar sem lagt er til að
hreppsnefnd afli tilboða í nýjan krana á hafnarbryggjuna.
Fundargerðin samþykkt samhljóða. 13. Fundargerð bókasafnsnefndar frá 2. nóvember 2004
og drög að ársskýrslu 2004. Lögð fram fundargerð bókasafnsnefndar
frá 2. nóvember, ásamt drögum að ársskýrslu til október
2004. Lagt fram til kynningar. 14. Fundargerð heilbrigðisnefndar Vestfjarða frá 22. október 2004. Borist hefur bréf dags. 25. okt. ásamt fundargerð Heilbrigðisnefndar Vestfjarða frá 45. fundi, og fjárhagsáætlun heilbrigðiseftirlitsins árið 2005. Fjárhagsáætlun Heilbrigðiseftirlits Vestfjarða fyrir árið 2005 var samþykkt samhljóða. 15. Fundargerð 196. fundar Launanefndar sveitarfélaga
frá 14. október 2004. Borist hefur bréf dags. 14. okt. sl.
frá Sambandi ísl. sveitarfélaga ásamt fundargerð
Launanefndarinnar. Lagt fram til kynningar. 16. Erindi frá íbúum við Ísafjarðardjúp til Símans um ISDN tengingu. Borist hefur bréf dags. 14. október 2004 frá íbúum við innanvert Ísafjarðardjúp, þar sem óskað er eftir að Síminn svari umsóknum þeirra um ISDN tengingu. Afrit er sent samgönguráðherra, þingmönnum, Póst- og fjarskiptastofnun og fleirum. Lagt fram til kynningar. Fundargerð lesin upp og samþykkt. Fleira ekki gert, fundi slitið kl. 19:55.
|
|
|
|
HÓLMAVÍKURHREPPUR,
HAFNARBRAUT 19, 510 HÓLMAVÍK |
|
