Árið 2000 þriðjudaginn 18. apríl var haldinn fundur í hreppsnefnd Hólmavíkurhrepps. Oddviti Birna Richardsdóttir setti fundinn og stjórnaði honum, en auk hennar sátu fundinn, Daði Guðjónsson, Haraldur V.A. Jónsson, Elfa Björk Bragadóttir, Már Ólafsson varamaður. Ritari var Engilbert Ingvarsson. Fundurinn var haldinn á skrifstofu hreppsins og hófst hann kl.17.00.

Þetta var gert: 

Oddviti kynnti eftirfarandi dagskrá:

1. Fundarboð á aðalfund Orkubús Vestfjarða þann 28. apríl 2000, ásamt ársreikningi Orkubúsins fyrir árið 1999.

2. Framkvæmdaleyfi við Þverárvirkjun í Hólmavíkurhreppi.

3. Fundargerð atvinnu- og hafnarstjórnar frá 6. apríl s.l.

4. Fundargerð félagsmálaráðs frá 12. apríl s.l.

5. Fundargerð grunnskóla og tónskóla frá 12. apríl 2000.

6. Fundargerð Lífeyrissjóðs starfsmanna sveitarfélaga frá 14. mars 2000.

7. Ályktanir 58. fulltrúaráðsfundar Sambands íslenskra sveitarfélaga frá 14. mars 2000.

8. Bréf frá Landbúnaðarráðuneytinu er varðar verkefni „Fegurri sveitir“.

9. Bréf frá Sjávarútvegsráðuneytinu er varðar bætur fyrir innfjarðarrækjubrest.

Þá var gengið til dagskrár:

1. Fundarboð á aðalfund Orkubús Vestfjarða þann 28. apríl 2000 ásamt ársreikningi Orkubúsins fyrir árið 1999. Borist hefur fundarboð aðalfundar Orkubús Vestfjarða, sem haldinn verður á Ísafirði 28. apríl, ásamt ársreikningi 1999. Eftirtaldir fulltrúar voru tilnefndir á fundinum: Daði Guðjónsson og Eysteinn Gunnarsson og fara þeir með 3/5 hluta atkvæða hreppsins og Haraldur V.A. Jónsson og Elfa Björk Bragadóttir sem fara með 2/5 hluta Hólmavíkurhrepps.

2. Framkvæmdaleyfi við Þverárvirkjun í Hólmavíkurhreppi. Borist hefur bréf dags. 17. mars 2000 frá Skipulagsstofnun varðandi framkvæmdir við Þverárvirkjun í Hólmavíkurhreppi. Samþykkt var að orðalag í tillögu að framkvæmdaleyfi fyrir Þverárvirkjun orðist svo í fjórðu línu „að haft verði samráð við Náttúruvernd Ríkisins og Þjóðminjasafn Íslands“ og breytist samþykkt tillaga á síðasta hreppsnefndarfundi í samræmi við það.

3. Fundargerð atvinnu- og hafnarstjórnar frá 6. apríl sl. Lögð fram fundargerð atvinnumála- og hafnarstjórnar frá 6. apríl s.l. Fundargerðin var samþykkt samhljóða

4. Fundargerð félagsmálaráðs frá 12. apríl sl. Lögð fram fundargerð félagsmálaráðs frá 12. apríl 2000. Ennfremur frumvarp tillaga um félagsþjónustu sveitarfélaga með bréfi Fjölskylduráðs frá 4. apríl 2000.

5. Fundargerð grunnskóla og tónskóla Hólmavíkur frá 12. apríl 2000. Lögð fram fundargerð grunnskóla og tónskóla Hólmavíkur frá 12. apríl 2000. Oddviti lagði fram eftirfarandi tillögu varðandi 1. lið fundargerðarinnar: Tónskólinn verði lagður niður í núverandi mynd og breytt rekstrarfyrirkomulagi. Í framhaldi af því verði skólastjóra og kennara tónskólans sagt upp. Samþykkt með 4 samhljóða atkvæðum. Haraldur V.A. Jónsson greiddi ekki atkvæði. Fundargerðin að öðru leyti var borin upp og samþykkt með 4 samhljóða atkvæðun en Haraldur V.A. Jónsson greiddi ekki atkvæði.

6. Fundargerð Lífeyrissjóðs starfsmanna sveitarfélaga frá 14. mars sl. Borist hefur fundargerð frá 27. stjórnarfundi Lífeyrissjóðs starfsmanna sveitarfélaga.

7. Ályktanir 58. fulltrúaráðsfundar Sambands íslenskra sveitarfélaga frá 30.-31. mars sl. Borist hefur skýrsla til 58. fulltrúaráðs sveitarfélaga ásamt lista yfir fulltrúaráðið og ályktun um endurskoðun á lögum um tekjustofna sveitarfélaga og ályktun um endurskoðun laga þjóðlenda.

8. Bréf frá Landbúnaðarráðuneytinu er varðar verkefnið „Fegurri sveitir“. Borist hefur bréf dags. 3. apríl 2000 frá Landbúnaðarráðuneytinu.

9. Bréf frá Sjávarútvegsráðuneytinu er varðar bætur fyrir innfjarðarrækjubrest. Borist hefur bréf dags. 22. mars 2000 frá Sjávarútvegsráðuneytinu, sem var frá sveitarstjórnum við Húnaflóa frá 1. mars 2000.

Fundargerð lesin upp og samþykkt. Fleira ekki gert fundi slitið kl. 18.45.