Árið 2000 þriðjudaginn 30. maí var haldinn fundur í
hreppsnefnd Hólmavíkurhrepps. Birna Richardsdóttir oddviti
setti fundinn og stjórnaði honum, en auk hennar sátu
fundinn Eysteinn Gunnarsson, Haraldur V.A. Jónsson, Gunnar
Jónsson varamaður og Elfa Björk Bragadóttir. Auk þeirra
sat fundinn Þór Örn Jónsson sveitarstjóri. Engilbert
Ingvarsson var fundarritari. Fundurinn var haldinn á
skrifstofu hreppsins og hófst hann kl.17.00.
Þá var gengið til dagskrár.
-
Erindi frá Broddaneshreppi
varðandi framtíð skólamála: Borist hefur bréf
dagsett 16. maí 2000 frá Broddaneshreppi, ásamt bréfi
dags. 16.4.2000 frá skólanefnd Broddanesskóla til
oddvita Broddaneshrepps. Í bréfinu er óskað eftir
því að Broddanesskóli verði lagður undir Grunnskóla
Hólmavíkur. Samþykkt var að vísa málinu til
skólanefndar Grunnskóla Hólmavíkur.
-
Heimild til töku 10 milljón kr.
láns hjá Lánasjóði sveitarfélaga fyrir
Hólmavíkurhrepp: Borist hefur bréf dagsett 16. maí
2000 frá Lánasjóði sveitarfélaga það sem stjórn
sjóðsins tilkynnir um samþykki sitt fyrir láni til
hreppsins. Hreppsnefnd samþykkir eftirfarandi:
Hólmavíkurhreppur tekur lán að upphæð kr. tíu
milljónir króna hjá Lánasjóði sveitarfélaga.
Lánið er í íslenskum krónum til 10 ára með
breytilega vexti nú 4,5% með vísitölu neysluverðs.
Lánskjör miðast við það að veitt sé trygging í
tekjum sveitarfélagsins vega lántökunnar sbr. 3.
málsgrein 73. gr sveitarstjórnarlaga nr. 45/1998.
-
Uppsögn tónskólakennara við
Tónlistarskóla Hólmavíkur og Kirkjubólshreppa: Borist
hafa uppsagnir í bréfum dags. 24. maí 2000 frá
kennurum Tónskólans Mariu-Jolanta Kowalczyk og Elsbieta
Kowalczyk. Samþykkt var að vísa til skólanefndar
Tónskólans að fjalla um stefnumótun um
framtíðaráform Tónskólans.
-
Fundargerð félagsmálaráðs
frá 17. maí 2000: Lögð fram fundargerð
félagsmálanefndar þann 17. maí 2000. Fundargerðin var
samþykkt.
-
Fundargerð leikskólanefndar
frá 29. maí 2000: Lögð fram fundargerð
leikskólanefndar frá 29. maí 2000. Fram kom hjá
sveitarstjóra að starfsfólk leikskólans er í
eftirtöldum starfshlutföllum:
Þórdís Gunnarsdóttir 75%
Jensína Pálsdóttir 100%
Jóhanna Ragnarsdóttir 62,5%
Brynja Guðlaugsdóttir 62,5%
Guðríður Guðjónsdóttir hefur sagt upp störfum og
óskar eftir því að hætta frá og með 1. júní n.k.
Fundargerðin var samþykkt.
-
Bréf frá Kvenfélaginu Glæðum
er varðar arf Sigríðar heitinnar Guðbjörnsdóttur:
Borist hefur bréf dags. 10. maí 2000 frá Kvenfélaginu
Glæðum og samþykkir félagið framkomna ósk um
ráðstöfun arfs Sigríðar Guðbjörnsdóttur, samkvæmt
ákvörðun félagsins.
-
Fundargerð Heilbrigðisnefndar
Vestfjarða frá 19. maí s.l: Borist hefur bréf dags.
23. maí 2000 frá Heilbrigðiseftirliti Vestfjarða
ásamt fundargerð 14. fundar Heilbrigðisnefndar
Vestfjarða.
-
Bréf frá
Atvinnuþróunarfélagi Vestfjarða varðandi Vestfirska
fréttavefinn www.bb.is:
Borist hefur bréf dags. 9. maí 2000 frá Atvest um
fréttavefinn sem H-prent hefur rekið um nokkurt skeið.
-
Strandir í sókn! Verkefnalisti
eða úthlutun verkefna: Borist hefur skýrsla frá
Atvinnuþróunarfélagi Vestfjarða h.f. um hugmyndir um
atvinnumál í Strandasýslu. Samþykkt að vísa málinu
til atvinnumála og hafnarnefndar.
-
Fundargerð skólanefndar
Menntaskólans á Ísafirði frá 10. maí 2000: Borist
hefur fundargerð skólanefndar M.Í. frá 10. maí 2000.
-
1. fundur skiptastjórnar
Skólaskrifstofu Vestfjarða frá 18. maí: Borist hefur
fundargerð frá 1. fundi skiptastjórnar
skólaskrifstofunnar, næsti fundur ákveðinn 24. maí
n.k.
-
Fundargerð Samtaka
sveitarfélaga á köldum svæðum frá 3. maí 2000:
Borist hefur bréf dags. 14. maí 2000 frá Satökum
sveitarfélaga á köldum svæðum ásamt fundargerð
stjórnarfundar frá 3. maí s.l.
-
Samþykkt á 2. Íþróttaþingi
Í.S.Í. haldið á Akureyri 24.-26. mars 2000: Borist
hefur bréf dags. 9. maí 2000 frá Íþrótta og
Ólympíusambandi Íslands ásamt gögnum frá 2.
Íþróttaþingi Í.S.Í 24.-26. mars 2000 á Akureyri.
-
Bréf frá Þróunarsviði
Byggðastofnunar varðandi verkfnið „Búum til betri
byggð“ á landsbyggðinni: Borist hafa fjórar
ályktanir frá verkefninu „Búum til betri byggð“
ásamt bréfi frá samstarfshópnum um verkefnið, dags.
3. maí 2000.
-
Bréf frá Svæðisskrifstofu
málefna fatlaðra á Hólmavík, varðandi áframhaldandi
leigu á Víkurtúni 9: Borist hefur bréf dags. 26. maí
frá Svæðisskrifstofu málefna fatlaðra Hólmavík, um
áframhaldandi afnot af Víkurtúni 9. Málinu frestað
til næsta fundar.
Fundargerð lesin upp og samþykkt. Fleira ekki gert fundi
slitið kl. 19.00
Engilbert Ingvarsson.(sign) Gunnar S. Jónsson. (sign)
Birna Richardsdóttir.(sign) Eysteinn Gunnarsson. (sign)
Haraldur V.A. Jónsson.(sign) Elfa Björk Bragadótir.(sign)
Þór Örn Jónsson.(sign)
