Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Árið 2000 þriðjudaginn 14. nóvember var haldinn fundur í hreppsnefnd Hólmavíkurhrepps. Eysteinn Gunnarsson boðaði forföll, en Birna Richardsdóttir varaoddviti setti fundinn og stjórnaði honum, en auk hennar sátu fundinn Daði Guðjónsson, Haraldur V.A. Jónsson, Höskuldur Erlingsson varamaður og Már Ólafsson varamaður. Auk þess sat fundinn Þór Örn Jónsson sveitarstjóri. Ritari var Engilbert Ingvarsson. Fundurinn var haldinn á skrifstofu hreppsins og hófst hann kl. 17.00.

Þetta var gert:

Varaoddviti kynnti boðaða dagskrá:

1. Erindi frá Orkubúi Vestfjarða er varðar breytingar á félagsformi Orkubús Vestfjarða úr sameignarfélagi í hlutafélag.

2. Ályktun stjórnar starfsmannafélags Orkubús Vestfjarða til sveitarstjórna á Vestfjörðum.

3. Styrkbeiðni frá Kvennakórnum Norðurljósum á Hólmavík.

4. Beiðni um upprekstrarleyfi í landi Víðidalsá frá Jóni Kristinssyni og Matthíasi Sævari Lýðssyni.

5. Tilnefning í nefnd um byggingu sundlaugar á Hólmavík.

6. Umsóknir í framkvæmdasjóð aldraðra, bréf frá Svæðisskrifstofu Málefna fatlaðra á Vestfjörðum.

7. Ályktun hreppsnefndar Reykhólahrepps er varðar heilsársveg um Arnkötludal og Gautsdal.

8. Fundargerð félagsmálaráðs frá 8. nóvember 2000.

9. Bréf frá skipulags-og byggingarfulltrúa Hólmavíkurhrepps er varðar staðbundna löggildingu á meistararéttindum.

10. Fundargerð Heilbrigðisnefndar Vestfjarða frá 27. október s.l. ásamt skýrslu Campylobacter á Hólmavík

11. Kynningarfundur um hreinni framleiðslutækni á vegum Staðardagskrár 21.

12. Kynningarbréf frá kennurum Kramhússins á verkefninu þúsaldarbörn.

Þá var gengið til dagskrár:

1. Erindi frá Orkubúi Vestfjarða er varðar breytingar á félagsformi Orkubús Vestfjarða úr sameignarfélagi í hlutafélag. Fram kom eftirfarandi tillaga: Hreppsnefnd Hólmavíkurhrepps samþykkir að breyta félagsformi Orkubús Vestfjarða úr sameignarfélagi í hlutafélag samkvæmt tillögu viðræðunefndar ríkisvaldsins og sveitarfélaganna á Vestfjörðum samanber bréf stjórnarformanns Orkubús Vestfjarða frá 13. okt. 2000. Sveitarstjóra var falið að skrifa greinargerð með tillögunni í samræmi við umræður á fundinum.

2. Ályktun stjórnar starfsmannafélags OrkubúsVestfjarða til sveitarstjórna á Vestfjörðum. Borist hefur bréf dags. 07.11.2000 frá stjórn starfsmannafélagi Orkubús Vestfjarða þar sem sveitarstjórnarmmenn eru varaðir við að láta af hendi forræði yfir Orkubúi Vestfjarða.

3. Styrkbeiðni frá Kvennakórnum Norðurljósum á Hólmavík. Borist hefur bréf dags. 26. október 2000 er varðar styrkbeiðni til kvennakórsins að upphæð kr. 40.000.- Samþykkt var samhljóða að veita umbeðinn styrk.

4. Beiðni um upprekstrarleyfi í landi Víðidalsár frá Jóni Kristinssyni og Matthíasi Sævari Lýðssyni. Borist hefur bréf dags. 7. nóv. 2000 er varðar beiðni um upprekstrarleyfi í landi Víðidalsár. Erindinu var hafnað.

5. Tilnefning í nefnd um byggingu sundlaugar á Hólmavík. Fram kom tilnefning á eftirtöldum mönnum í nefnd um byggingar sundlaugar á Hólmavík: Ingimundur Jóhannsson, Þorsteinn Sigfússon og Haraldur V. A. Jónsson. Var það samþykkt samhljóða.

6. Umsóknir í Framkvæmdasjóð fatlaðra, bréf frá svæðisskrifstofu Málefna fatlaðra á Vestfjörðum. Borist hefur bréf dags. 26. október 2000 frá Laufeyju Jónsdóttur framkvæmdastjóra Svæðisskrifstofu Málefna fatlaðra.

7. Ályktun hreppsnefndar Reykhólahrepps er varðar heilsársveg um Arnkötludal og Gautsdal. Borist hefur bréf dags. 24. okt. 2000 frá Reykhólahreppi með ályktun hreppsnefndar varðandi heilsársveg um Arnkötludal og Gautsdal.

8. Fundargerð félagsmálaráðs frá 8. nóvember 2000. Lögð fram fundargerð félagsmálaráðs frá 8. nóvember s.l. Fundargerðin var samþykkt samhljóða.

9. Bréf frá skipulags-og byggingarfulltrúa Hólmavíkurhrepps er varðar staðbundna löggildinu á meistararéttindum. Lagt fram bréf dags. 10.11.2000 frá skipulags-og byggingarfulltrúa hreppsins Bjarnfríði Vilhjálmsdóttur. Hreppsnefnd samþykkir að byggingafulltrúi gefi út leyfi til blikksmiðameistara í samræmi við samþykkt á fundi bygginganefndar frá 9. okt. s.l.

10. Fundargerð Heilbrigðisnefndar Vestfjarða frá 27. október s.l. ásamt skýrslu um Campylobakter á Hólmavík. Borist hefur bréf frá heilbrigðisfulltrúa Vestfjarða dags. 26. október 2000 er varðar sýnatöku úr neysluvatni á Hólmavík ásamt töflum og niðurstöðum. Ennfremur bréf dags. 30. okt. með fundargerð heilbrigðisnefndar frá 27. okt. 2000 ásamt fjárhagsáætlun fyrir árið 2001.

11. Kynningarfundur um hreinni framleiðslutækni á vegum Staðardagskrár 21. Borist hefur bréf dags. 12. október 2000 frá verkefnisstjóra Staðardagskrár 21 á vegum Sambands íslenskra sveitarfélaga. Lagt fram til kynningar.

12. Kynningarbréf frá kennurum Kramhússins á verkefninu þúsaldarbörn. Borist hefur bréf dags. 20. október 2000 er varðar kynningu á verkefninu þúsaldarbörn. Lagt fram til kynningar.

13. Bréf frá Áfengis- og vímuvarnaráði er varðar rannsóknina Ungt fólk 2000, sem framkvæmd var af Rannsóknum og greiningu ehf. Lagt fram til kynningar.

Fundargerð lesin upp og samþykkt.

Fleira ekki gert, fundi slitið kl. 19:15.

Birna Richardsdóttir. (sign) Haraldur V. A. Jónsson. (sign) Daði Guðjónsson. (sign) Höskuldur B. Erlingsson. (sign) Már Ólafsson. (sign) Engilbert Ingvarsson. (sign) Þór Örn Jónsson (sign).

 
Sveitarstjóri:

Þór Örn Jónsson

Sveitarstjórn:

Birna Richardsdóttir

Daði Guðjónsson

Elfa Björk Bragadóttir

Eysteinn Gunnarsson

Haraldur V.A. Jónsson

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur