|
974. fundur - 4. des. 2001
Ár 2001, þriðjudag
4. desember 2001 var haldinn fundur í hreppsnefnd Hólmavíkurhrepps.
Eysteinn Gunnarsson oddviti setti fundinn og stjórnaði
honum, en auk hans sátu fundinn Birna Richardsdóttir, Daði
Guðjónsson, Haraldur V.A. Jónsson og Elfa Björk Bragadóttir.
Auk þeirra sat fundinn Þór Örn
Jónsson sveitarstjóri. Ritari var Engilbert Ingvarsson
. Fundurinn
var haldinn á skrifstofu hreppsins og hófst hann kl. 17.00.
Þetta var gert:
Oddviti kynnti boðaða dagskrá í 10 liðum
:
1. Frumvarp að fjárhagsáætlun
Hólmavíkurhrepps fyrir 2002, fyrri umræða.
2. Kaupsamningur á hlutafé Hólmavíkurhrepps
í Orkubúi Vestfjarða.
3. Bréf frá áhugafólki um
tónlist.
4. Skýrsla um rannsóknarborun
í landi Kirkjubólshrepps.
5. Beiðni um stuðning við
Stígamót.
6. Bréf frá stjórn FSS frá
13. nóvember 2001.
7. Bréf frá Fornleifastofnun
Íslands frá 15. nóvember 2001.
8. Samþykkt stofnhluthafa í
Eignarhaldsfélagi Vestfjarða h.f. frá 16. nóvember 2001.
9. Dreifibréf frá Menntamálaráðuneytinu
frá 23. nóvember 2001.
10. Fundargerðir Launanefndar
sveitarfélaga frá síðustu vikum.
Þá var gengið til dagskrár.
1.
Frumvarp
að fjárhagsáætlun Hólmavíkurhrepps fyrir 2002, fyrri umræða.
Sveitarstjóri kynnti frumvarp að fjárhagsáætlun Hólmavíkurhrepps
fyrir árið 2002 og ræddi einstaka liði í samanburði í
samanburði við fyrra ár. Eftir umræður og ítarlega
yfirferð var fjárhagsáætlun fyrir árið 2002 vísað til
annarar umræðu.
2.
Kaupsamningur
á hlutafé Hólmavíkurhrepps í Orkubú Vestfjarða.. Lagður
fram kaupsamningur um kaup ríkisins á hlutafé Hólmavíkurhrepps,
dags 27. nóvember 2001, að upphæð kr. 149.960.000.-
Samningurinn hefur verið undirritaður í Reykjavík af
sveitarstjóra samkvæmt samþykkt hreppsnefndar frá 27.
september 2001.
3.
Bréf
frá áhugafólki um tónlist. Borist hefur bréf dags. 20. nóv.
2001 frá áhugafólki um tónlist þeim Sólrúnu Jónsdóttur,
Sigríði Einarsdóttur, Rúnu Stínu Ásgrímsdóttur varðandi
möguleika á að keyptur verði flygill í Hólmavíkurkirkju.
Samþykkt var að vísa málinu til afgreiðslu við aðra umræðu
fjárhagsáætlunar og hugsanlegri hlutdeild í kostnaðargreiðslu.
4.
Skýrsla
um rannsóknarborun í landi Þorpa í Kirkjubólshreppi.
Borist hefur skýrsla frá 23. nóv. s.l. frá Orkustofnun með
greinargerð Kristjáns Sæmundssonar jarðfræðings. Lagt
fram til kynningar.
5.
Beiðni
um stuðning við Stígamót. Borist hefur bréf dags. 26. nóv.
2001 varðandi styrkbeiðni til Stígamóta. Samþykkt var að
veita kr. 15.000.- í styrk.
6.
Bréf
frá stjórn F.S.S frá 13. nóvember 2001. Borist hefur bréf
dags. 13. nóv. frá Félagi sam- og tvíkynhneigða stúdenta
um 25. þús. króna styrk. Samþykkt var að hafna erindinu.
7.
Bréf
frá Fornleifastofnun Íslands frá 15. nóvember 2001. Borist
hefur bréf dags. 15. nóv. 2001 frá Fornleifastofnun varðandi
svæðisskráningu fornleifa í sveitarfélaginu. Lagt fram
til kynningar.
8.
Samþykkt
stofnhluthafa í Eignarhaldsfélagi Vestfjarða hf. frá 16. nóv.
2001. Borist hefur bréf dags. 21. nóv. 2001 frá Atvinnuþróunarfélagi
Vestfjarða hf. varðandi fund 16. nóv. s.l. í Eignarhaldsfélagi
Vestfjarða hf. Lagt fram til kynningar.
9.
Dreifibréf
frá Menntamálaráðuneytinu frá 23. nóvember 2001. Borist
hefur bréf frá Menntamálaráðuneytinu varðandi breytingu
á lögum um leikskóla, nr. 78/1994. Lagt fram til kynningar.
10.
Fundargerðir
Launanefndar sveitarfélaga frá síðustu vikum. Borist hefur
bréf dags. 22. nóv. 2001 frá Sambandi íslenskra sveitarfélaga
ásamt fundargerðum Launanefndar sveitarfélaga frá 173. og
174. fundi ásamt 4. fundi samstarfsnefndar L.N og S.G.S frá
5. nóv. 2001. Lagt fram til kynningar.
Fundargerð lesin upp og samþykkt.
Fleira ekki gert, fundi slitið
kl. 19.40.
Engilbert Ingvarsson (sign),
Elfa Björk Bragadóttir (sign), Eysteinn Gunnarsson (sign),
Haraldur V.A. Jónsson (sign), Birna Richardsdóttir (sign),
Þór Örn Jónsson (sign), Daði
Guðjónsson (sign).
|
