Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Ár 2002 þriðjudaginn 29. janúar var haldinn fundur í hreppsnefnd
Hólmavíkurhrepps. Oddviti, Eysteinn Gunnarsson, setti fundinn og stjórnaði
honum, en auk hans sátu fundinn Haraldur V.A. Jónsson, Elfa Björk
Bragadóttir, Birna Richardsdóttir og Karl Þór Björnsson, varamaður.
Ennfremur sat fundinn Þór Örn Jónsson sveitarstjóri. Fundarritari var
Engilbert Ingvarsson.

Fundurinn var haldinn á skrifstofu hreppsins og hófst hann kl. 17.00

Þetta var gert:

Oddviti kynnti boðaða dagskrá í 14 töluliðum:

1. Bréf frá Einari K. Guðfinnssyni varðandi framhaldsskóla-og háskólanám með fjarkennslusniði.

2. Beiðni frá fiskvinnslunni Drangi ehf. varðandi hlutafjárkaup.

3. Boð á vinabæjarfund í Aarslev í Danmörku dagana 6.-9. júní 2002.

4. Bréf frá Héraðsnefnd Strandasýslu.

5. Aðalfundur Laugarhóls ehf. haldinn 30. desember 2001.

6. Bréf frá umboðsmanni barna varðandi vetrarfrí í grunnskólum.

7. Bréf varðandi Ólafsvíkuryfirlýsinguna (Staðardagskrá 21).

8. Bréf frá Samtökum herstöðvarandstæðinga varðandi kjarnorkuvopnalaus sveitarfélög

9. Fundargerð skólanefndar Grunnskóla og Tónskóla Hólmavíkur- og Kirkjubólshreppa frá 17. janúar sl.

10. Fundargerð leikskólanefndar frá 23. jan. 2002.

11. Fundargerð heilbrigðisnefndar Vestfjarða frá 18. janúar sl.

12. Fundargerð Atvinnuþróunarfélags Vestfjarða hf. frá síðasta árshelmingi.

13. Fundargerð Skólanefndar Menntaskólans á Ísafirði frá 7. janúar 2002.

14. Fundargerð Launanefndar sveitarfélaga frá 21. desember 2001.

Þá var gengið til dagskrár:

1. Bréf frá Einari K. Guðfinnssyni varðandi framhaldsskóla- og háskólanám með fjarkennslusniði. 

Borist hefur bréf dags. 31. október 2001 frá Einari K. Guðfinnssyni alþm. varðandi fyrirspurn á Alþingi, þingskjal 188 - 102. mál um fjarkennslu og svör menntamálaráðherra. Samþykkt var að fela sveitarstjóra að skrifa bréf með þökkum fyrir upplýsingarnar og veita upplýsingar um það sem betur má fara í fjarskiptamálum í sveitarfélaginu svo full not verði af möguleikum með fjarkennslusniði.

2. Beiðni frá Fiskvinnslunni Drangi ehf. varðandi hlutafjárkaup.

Borist hefur bréf dags. 16. jan. 2002 frá Fiskvinnslunni Drangi ehf.
varðandi möguleika á að kaupa bát og veiðiheimildir. Samþykkt var samhljóða
að Hólmavíkurhreppur sjái sér ekki fært að taka þátt í slíkri aðgerð.

3. Boð á vinabæjarfund í Aarslev í Danmörku dagana 6.-9. janúar 2002.

Borist hefur bréf dags. 18. janúar 2002 frá Aarslev varðandi vinabæjarmót.
Samþykkt var að fela sveitarstjóra að svara bréfinu, en gert er ráð fyrir að
boðið verði þegið.

4. Bréf frá Héraðsnefnd Strandasýslu. 

Borist hefur bréf dags. 12. janúar 2002 frá Héraðsnefnd Strandasýslu ásamt lista um skiptingu framlaga hreppanna 2002. Samþykkt var að fela sveitarstjóra að skrifa bréf til framkv.stjóra Héraðsnefndar og óska eftir að fá fundargerð síðasta fundar héraðsnefndar.

5. Aðalfundur Laugarhóls ehf. haldinn 30. desember 2001. 

Borist hefur ársskýrsla Laugarhóls ehf. til aðalfundar 30. desember 2001 ásamt ársreikningi fyrir árið 2000. Lagt fram til kynningar.

6. Bréf frá Umboðsmanni barna varðandi vetrarfrí í grunnskólum. 

Borist hefur bréf dags. 16. janúar 2002 frá Umboðsmanni barna þar sem óskað er eftir upplýsingum um vetrarfrí í grunnskólum í Strandasýslu. Samþykkt var að vísa erindinu til skólastjóra Grunnskólans á Hólmavík og falast eftir svari hans.

7. Bréf varðandi Ólafsvíkuryfirlýsinguna (Staðardagskrá 21). 

Borist hefur bréf dags. 18. janúar 2002 frá verkefnisstjóra Staðardagskrár 21 þar sem sveitarstjórnir, sem ekki hafa tekið Ólafsvíkuryfirlýsinguna til formlegrar afgreiðslu geri það sem fyrst. Haraldur V.A. Jónsson lagði til að
hreppsnefnd samþykki yfirlýsinguna og undirriti. Tillagan var borin upp og
fékk hún 2 atkvæði, en var felld með 3 atkvæðum.

8. Bréf frá Samtökum herstöðvarandstæðinga varðandi kjarnorkuvopnalaus sveitarfélög.

Borist hefur bréf dags. 10. janúar 2002 frá Samtökum herstöðvaandstæðinga,
ásamt fyrirmynd að yfirlýsingu um kjarnorkuvopnalaust sveitarfélag.
Samþykkt var með 4 atkvæðum, en Haraldur sat hjá, að lýsa Hólmavíkurhrepp kjarnorkuvopnalaust svæði.

9. Fundargerð skólanefndar Grunnskóla og Tónskóla Hólmavíkur- og
Kirkjubólshreppa frá 17. janúar sl. 

Borist hefur fundargerð Grunnskóla og Tónskóla Hólmavíkur- og Kirkjubólshreppa frá 17. janúar sl. ásamt áætlun um kennslustundir skólaárið 2002-2003. Fundargerðin var samþykkt og varðandi 4. lið var sveitarstjóra falið að kanna kostnað við að koma upp færanlegri laustengdri kennslustofu fyrir Tónskólann.

10. Fundargerð leikskólanefndar frá 23. janúar 2002. 

Lögð fram fundargerð leikskólanefndar frá 23. janúar ásamt teikningu af stækkun. Samþykkt var að fela sveitarstj. að láta útbúa teikningar og útboðsgögn.

11. Fundargerð heilbrigðisnefndar Vestfjarða frá 18. janúar 2002.

Borist hefur bréf dags. 21. jan. 2002 ásamt fundargerð 27. fundar Heilbrigðisnefndar Vestfjarða og greinargerð heilbrigðisnefndarinnar um stofnun Matvælastofu. Lagt fram til kynningar.

12. Fundargerðir Atvinnuþróunarfélags Vestfjarða hf. frá síðasta árshelmingi.

Borist hafa fundargerðir frá stjórnarfundum Atvinnuþróunarfélags Vestfjarða hf. frá 46. til 50 fundi. Lagt fram til kynningar.

13. Fundargerð skólanefndar Menntaskólans á Ísafirði frá 7. janúar 2002.

Borist hefur fundargerð frá 67. fundi Menntaskólans á Ísafirði. Lagt fram til kynningar.

14. Fundargerð Launanefndar sveitarfélaga frá 21. desember 2001.

Borist hefur fundargerð frá 176. fundi Launanefndar sveitarfélaga. Lagt
fram til kynningar.

Fundargerð lesin upp og samþykkt. Fleira ekki gert, fundi slitið kl.19.30.

Engilbert Ingvarsson (sign) Birna Richardsdóttir (sign), Eysteinn Gunnarsson (sign) Haraldur V. A. Jónsson (sign), Karl Þór Björnsson (sign) Elfa Björk Bragadóttir (sign), Þór Örn Jónsson (sign)

 
Sveitarstjóri:

Þór Örn Jónsson

Sveitarstjórn:

Birna Richardsdóttir

Daði Guðjónsson

Elfa Björk Bragadóttir

Eysteinn Gunnarsson

Haraldur V.A. Jónsson

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur