Hólmavíkurhreppur
Hafnarbraut 19, 510 Hólmavík - Sími: 451 3510

Skrifstofa

Fundargerðir

Nefndir

Atvinnulíf
& saga

Þjónusta

Myndir

Tenglar

Aðalsíða

Ár 2002 þriðjudaginn 30. apríl 2002 var haldinn fundur í hreppsnefnd Hólmavíkurhrepps. Eysteinn Gunnarsson oddviti setti fundinn og stjórnaði honum, en auk þess sátu fundinn Birna Richardsdóttir, Daði Guðjónsson, Haraldur V.A. Jónsson og Elfa Björk Bragadóttir. Auk þeirra sat fundinn Þór Örn Jónsson sveitarstjóri. Fundarritari var Engilbert Ingvarsson. 

Fundurinn var haldinn á skrifstofu hreppsins og hófst hann kl. 17.00.

Þetta var gert:      

Oddviti kynnti boðaða dagskrá í 11 töluliðum:

1. Ársreikningur Hólmavíkurhrepps fyrir árið 2002, fyrri umræða.

2. Bréf frá Félagsmálaráðherra varðandi sameiningu Kirkjubólshrepps við Hólmavíkurhrepp.

3. Hitaveituáætlun, kostnaður og hagkvæmnisáætlun, frumdrög.

4. Refa- og minkaveiðar 2002 í Hólmavíkurhreppi.

5. Bréf Önnu Þorbjargar Stefánsdóttur og Unnars Ragnarssonar varðandi leigu á nesi í landi Skeljavíkur.

6. Barnaskólahúsið í Reykjanesi, greinargerð og fl.

7. Vinabæjarfundur í Åarslev kommune 6.-9. júní 2002.

8. Fundargerð húsnæðisnefndar Hólmavíkurhrepps frá 23. apríl.

9. Fundargerð byggingar-, skipulags- og umferðarnefndar frá 29. apríl 2002.

10. Ársreikningur Fiskmarkaðar Hólmavíkur hf. fyrir árið 2002.

11. Fundargerð heilbrigðisnefndar Vestfjarða frá 12. apríl 2002.

Þá var gengið til dagskrár:

1.     Ársreikningur Hólmavíkurhrepps fyrir árið 2001, fyrri umræða. Sveitarstjóri kynnti ársreikning Hólmavíkurhrepps fyrir árið 2001, hann gerði grein fyrir tölulegum niðurstöðum og skýrði út einstaka liði. Endurskoðandi hreppsins boðaði forföll og gat ekki mætt til fundarins eins og fyrirhugað var. Eftir ítarlegar umræður var samþykkt að vísa ársreikningnum til síðari umræðu.

2.     Bréf frá Félagsmálaráðherra varðandi sameiningu Kirkjubólshrepps við Hólmavíkurhrepp.              

Borist hefur bréf dags. 17. apríl 2002 frá Félagsmálaráðherra ásamt auglýsingu um staðfestingu félagsmálaráðuneytisins á sameiningu Hólmavíkurhrepps og Kirkjubólshrepps. Varðandi sameiningu Hólmavíkurhrepps og Kirkjubólshrepps var samþykkt eftirfarandi :

1.        Fulltrúar Hólmavíkurhrepps í yfirkjörstjórn voru kosnir Elísabet Pálsdóttir og Jón Kristinsson aðalmenn og til vara Þorbjörg Magnúsdóttir og Ólafur Ingimundarson. Gert er ráð fyrir að Kirkjubólshreppur tilnefni einn mann í yfirkjörstjórn.

2.        Kosnir voru í nefnd til að gera tillögu um nýtt nafn á sameinuðu sveitarfélagi þeir Eysteinn Gunnarsson og Haraldur V.A. Jónsson, gert er ráð fyrir að Kirkjubólshreppur tilnefni einn mann.

3.     Hitaveituáætlun, kostnaður og hagkvæmisáætlun, frumdrög. Borist hefur frumdrög að kostnaðar- og hagkvæmisáætlun, dags. 5. apríl 2002 á Flúðum, fyrir Kirkjubóls- og Hólmavíkurhrepp. Lagt fram til kynningar.

4.     Refa- og minkaveiðar sumarið 2002 í Hólmavíkurhreppi. Borist hefur bréf dags. 18. mars 2002 frá Veiðistjóra með viðmiðunartöxtum ríkisins vegna refa- og minkaveiða. Samþykkt var að ráðning refa- og minkaveiðimanna verði óbreytt frá síðasta ári.

5.     Bréf Önnu Þorbjargar Stefánsdóttur og Unnars Ragnarssonar varðandi leigu á nesi í landi Skeljavíkur. Borist hefur bréf frá Önnu Þorbjörgu Stefánsdóttur og Unnari Ragnarssyni ásamt ljósritum af samningi dags. 11. okt. 1948 um 4/5 af lóð á Hólmavík. Samþykkt var að fela sveitarstjóra að semja við viðkomandi aðila varðandi erindið.

6.     Barnaskólahúsið í Reykjanesi, greinargerð o.fl. Borist hefur bréf dags. 24. apríl 2002 frá áhugamönnum, sem vilja nýta mannvirki í Reykjanesi til ferðaþjónustu undir forystu Bjarna Rafns Ingvasonar. Einnig liggur fyrir greinargerð dags. 13. mars 2002 varðandi rökstuðning fyrir því að Hólmavíkurhreppur og Súðavíkurhreppur séu eigendur að Barnaskólahúsinu í Reykjanesi. Samþykkt var að sveitarstjóri ásamt sveitarstjóra Súðavíkurhrepps og Engilbert og Sigmundur fari til viðræðna í Menntamálaráðuneytið og vinni að því að fá niðurstöðu um málefni og eignarhald hreppanna á barnaskólanum í Reykjanesi.

7.    Vinabæjarfundur í Åarslev kommune 6.-9. júní 2002. Borist hefur bréf dags. 9. apríl 2002 frá vinabæ Hólmavíkurhrepps í Danmörku. Fyrirhugað er að einhver þátttaka frá Hólmavík verði í vinabæjarmótinu og var sveitarstjóra falið að skrifa bréf og tilkynna um þátttöku.

8.    Fundargerð Heilbrigðisnefndar Hólmavíkurhrepps frá 23. apríl s.l.  Lögð fram fundargerð húsnæðisnefndar frá 69. fundi 23. apríl s.l. Fundargerðin var samþykkt samhljóða.

9.    Fundargerð byggingar-, skipulags- og umferðarnefndar frá 29. apríl 2002. Lögð fram fundargerð byggingar-, skipulags- og umferðarnefndar frá 29. apríl 2002. Fundargerðin var samþykkt samhljóða.

10.    Ársreikningur Fiskmarkaðar Hólmavíkur hf. Lagður fram ársreikningur 2001 fyrir Fiskmarkað Hólmavíkur og áritaður 11. mars 2002 af löggiltum endurskoðanda. Lagt fram til kynningar.                            

11.     Fundargerð heilbrigðisnefndar Vestfjarða frá 12. apríl 2002. Borist hefur bréf dags. 16. apríl 2002 ásamt fundargerð frá 29. fundi 12. apríl Heilbrigðisnefndar Vestfjarða. Lagt fram til kynningar.

Fundargerð lesin upp og samþykkt. Fleira ekki gert, fundi slitið kl.20:15.

Engilbert Ingvarsson (sign), Birna Richardsdóttir (sign), Eysteinn Gunnarsson (sign), Daði Guðjónsson (sign), Haraldur V.A. Jónsson (sign), Elfa Björk Bragadóttir (sign), Þór Örn Jónsson (sign).

 
Sveitarstjóri:

Þór Örn Jónsson

Sveitarstjórn:

Birna Richardsdóttir

Daði Guðjónsson

Elfa Björk Bragadóttir

Eysteinn Gunnarsson

Haraldur V.A. Jónsson

Skrifstofa:

Hólmavíkur-
hreppur 

HÓLMAVÍKURHREPPUR, HAFNARBRAUT 19, 510 HÓLMAVÍK
Sími: 451-3510 ¤ Fax: 451-3403 
© 2001 Vefsíðugerð: SÖGUSMIÐJAN   ¤  Umsjón: Hólmavíkurhreppur