Hólmavíkurhreppur
Hafnarbraut 19, 510 Hólmavík - Sími: 451 3510
|
|
Hólmavíkurhreppur
|
|
|
995. fundur - 22. október 2002 Ár 2002 þriðjudaginn 22. október 2002
var haldinn fundur í hreppsnefnd Hólmavíkurhrepps. Haraldur
V. A. Jónsson setti fundinn og stjórnaði honum, en auk hans
sátu fundinn Elfa Björk Bragadóttir, Valdemar Guðmundsson,
Kristín S. Einarsdóttir og Daði Guðjónsson varamaður.
Einnig sat fundinn Ásdís Leifsdóttir sveitarstjóri.
Fundarritari var Engilbert Ingvarsson. Fundurinn var haldinn á skrifstofu
hreppsins og hófst hann kl. 17.00. Þetta var gert: Oddviti kynnti eftirfarandi dagskrá í
10 töluliðum: 1. Fundargerð
stjórnar Félagsheimilis og íþróttahúss Hólmavíkur. 2. Fundargerð
aðalfundar Sorpsamlags Strandasýslu. 3. Bréf frá
áhugafólki um tónlist. 4. Bréf frá
björgunarsveitinni Dagrenningu á Hólmavík. 5. Rekstur
sundlaugar og íþróttahúss á Hólmavík. 6. Fundargerð
9. fundar Launanefndar sveitarfélaga og Starfsgreinasambands
9. október 2002. 7. Fundargerð
14. og 15. fundar Launanefndar sveitarfélaga og Félags Tónlistarkennara. 8. Fundargerð
50. fundar Launanefndarsveitarfélaga og Kennarasambands Íslands
1. okt. 2002. 9. Fundargerð
56. fundar Launanefndar sveitarfélaga og Félags leikskólakennara
4. október 2002. 10. Bréf frá Heilbrigðiseftirliti
Vestfjarða. Þá var gengið til dagskrár: 1. Fundargerð
stjórnar Félagsheimilis og íþróttahúss Hólmavíkur. Lögð
fram fundargerð stjórnar Félagheimilis og íþróttahúss Hólmavíkur
frá 16. október 2002. Fundargerðin samþykkt samhljóða. 2. Fundargerð
aðalfundar Sorpsamlags Strandasýslu. Lögð fram fundargerð
frá aðalfundi Sorpsamlags Strandasýslu þann 17. okt. 2002.
Lagt fram til kynningar. 3. Bréf frá
áhugafólki um tónlist. Borist hefur bréf dags. 9. október
2002 frá áhugafólki um tónlist varðandi stuðning við
kaup á flygli í Hólmavíkurkirkju. Með tilvísun í fyrri
samþykkt um málið, er ekki ástæða til að taka það
frekar til umræðu að sinni, að dómi hreppsnefndar. 4. Bréf frá
björgunarsveitinni Dagrenningu á Hólmavík. Borist hefur bréf
dags. 3. okt. 2002 frá Dagrenningu, með styrkbeiðni til
reksturs og áframhaldandi uppbyggingar á húsnæði
sveitarinnar. Samþykkt var að vísa málinu til afgreiðslu
næstu fjárhagsáætlunar. 5. Rekstur
sundlaugar og íþróttahúss á Hólmavík. Sveitarstjóri
lagði fram dæmi um rekstur sundlaugar í 6 liðum og einnig
upplýsingar um rekstrarkostnað sundlauga í nokkrum sveitarfélögum.
Sveitarstjóri sýndi fram á mismun á því að reka minni
sundlaug eða 16,67 metra í stað 25 metra sundlaugar sem ákveðin
hefur verið og taldi sjáanlegt að rekstrarkostnaður
sundlaugar yrði sveitarfélaginu erfiður og geti dregið úr
framkvæmdagetu sveitarsjóðs á næstu árum. Kristín, Elfa
Björk og Daði lögðu eindregið til að ekki yrði breytt
þeirri ákvörðun að byggja 25 metra sundlaug. Valdemar lýsti
sig mótfallinn því að byggja 25 metra sundlaug og vill að
hún verði minnkuð í 16,67 metra. Haraldur oddviti lýsti
því þá yfir að ekki væri vilji til þess í
hreppsnefndinni að falla frá fyrri samþykkt um 25 metra
sundlaug og því væri ekki ástæða til að ræða málið
frekar. 6. Fundargerð
9. fundar Launanefndar sveitarfélaga og Starfsgreinasambands
9. október 2002. Borist hefur bréf dags. 15. október 2002
frá Samb. ísl. sveitarfélaga ásamt fundargerð 9. fundar
frá 9. okt 2002 samstarfsnefndar LN og SGS. Lagt fram til
kynningar. 7. Fundargerð
14. og 15. fundar Launanefndar sveitarfélaga og Félags Tónlistarkennara.
Borist hefur bréf frá Samb. ísl. sveitarfélaga dags. 7.
október 2002 ásamt fundargerð Launanefndar og
samstarfsnefndar vegna innleiðingar á kjarasamningi frá 2.
okt og 4. okt 2002. Lagt fram til kynningar. 8. Fundargerð
50. fundar Launanefndarsveitarfélaga og Kennarasambands Íslands
1. okt. 2002. Borist hefur bréf frá Samb. ísl. sveitarfélaga
dags. 7. október 2002 ásamt fundargerð Launanefndar og
samstarfsnefndar vegna innleiðingar á kjarasamningi frá 2.
okt og 4. okt 2002. Lagt fram til kynningar. 9. Fundargerð
56. fundar Launanefndar sveitarfélaga og Félags leikskólakennara
4. október 2002. Borist hefur bréf frá Samb. ísl. sveitarfélaga
dags. 15. október 2002 ásamt fundargerð samstarfsnefndar
Leikskólakennara og Launanefndar frá 4. okt 2002. Lagt fram
til kynningar. 10. Bréf frá Heilbrigðiseftirliti
Vestfjarða. Borist hefur bréf. dags. 9. október 2002 frá
Heilbrigðiseftirliti Vestfjarða um rannsóknarniðurstöður
varðandi sýnatöku á vatni frá 26. sept. 2002. Lagt fram
til kynningar. Fundargerð lesin upp og samþykkt.
Fleira ekki gert, fundi slitið kl. 18:25. Engilbert Ingvarsson (sign), Ásdís
Leifsdóttir (sign), Haraldur V.A. Jónsson (sign), Daði Guðjónsson
(sign), Valdemar Guðmundsson (sign), Elfa Björk Bragadóttir
(sign), Kristín S. Einarsdóttir (sign).
|
|
|
|
HÓLMAVÍKURHREPPUR,
HAFNARBRAUT 19, 510 HÓLMAVÍK |
|
