|
Leikfélag Hólmavíkur |
|
|||||||||||||||||||||||||||||||||||||||
|
Eftir mikla mæðu og langa leit að heppilegu og skemmtilegu barnaleikriti án árangurs tóku félagar í Leikfélaginu sig til og skrifuðu barnaleikrit fyrir jólin 1989. Það var stórskemmtilegt og stykkið mæltist býsna vel fyrir þegar það var sýnt. Leikstjórnin var hópverkefni og gekk nokkuð vel, þó kom úr framköllun mynd frá sýningunni þar sem svo óheppilega vildi til að allir leikarar sneru baki í áhorfendur. Sú mynd var gerð upptæk.
Sýningin var í aðra röndina afrakstur leiklistarnámskeiðs sem Skúli Gautason hélt skömmu áður, það má best sjá á því að 8 manns voru að leika með félaginu í fyrsta sinn. Leikmyndin var gríðarstór hellir sem vakti mikla lukku. Það gerði tröllið líka, en það var eitt það ægilegasta sem sést hefur á Ströndum og hafa Strandamenn þó séð mörg tröll um dagana. Ýmislegt skemmtilegt kom upp á. Grýla sem var leikin af Ásdísi Jónsdóttur var ægilega gjörn á að gleyma textanum sínum. Byrjaði hún stundum aftur á leikritinu og lenti yfirleitt á öðrum að leiðrétta það. Jón Jónsson (Kertasníkir) át hátt í tvö vaxkerti á hverri sýningu, án þess þó að fá í magann. Það þótti með hreinum ólíkindum. Eitt af því sem var óvenjulegt var að á fyrstu sýningu voru aðgöngumiðarnir grænir nammipokar sem skrjáfaði í allan tímann svo rétt heyrðist í leikurum. Þetta verður ekki reynt aftur. Til stóð að fara í leikferð með Jóladagatalið en af því varð ekki vegna anna leikaranna um hátíðirnar. Aðsókn að sýningunni var nokkuð góð, nema að síðustu sýningunni. Aðsóknin að henni var hreint afleit.
- Smellið á myndirnar til að sjá stærri útgáfu - Höfundar: Arnlín Óladóttir, Ásmundur Vermundsson, Einar Indriðason, Ester Sigfúsdóttir og Jón Jónsson Leikarar:
Salbjörg Engilbertsdóttir Sviðsmynd, lýsing og fleira: Arnlín Óladóttir, Eysteinn Gunnarsson, Magnús Rafnsson, Ólafur Ingimundarson, Jensína Pálsdóttir og Salbjörg Engilbertsdóttir Förðun: María Guðbrandsdóttir Sýningar (4): Hólmavík -
16. desember
|
||||||||||||||||||||||||||||||||||||||||
|
Spakmæli verksins: „Það verða bara engin jól.“ |
|
|||||||||||||||||||||||||||||||||||||||
Hvíslari: