Leikfélag Hólmavíkur, Hólmavík, Strandir

Leikfélag Hólmavíkur
Búningahorn	Sminkhorn	Ljósahorn	Hvíslarahorn
Leikfélagið Nýjustu fréttir Leiksýningar Ferðalög Glens og grín Leikarar o.fl. Upphafssíðan Gestabók Skrá á póstlista	Leikfélag Hólmavíkur Leikfélag Hólmavíkur var stofnað 3. maí 1981. Áður hafði þó löngum verið leikið á Ströndum, undir merkjum ýmissa ólíkra félagasamtaka. Leikfélagið er þátttakandi í Bandalagi íslenskra leikfélaga. Hafðu samband við Leikfélag Hólmavíkur með því að smella hérna. Þá fær Salbjörg póstinn sinn. Núverandi stjórn félagsins skipa: Jóhanna Ása Einarsdóttir, stórleikari Salbjörg Engilbertsdóttir, stórleikari Svanhildur Jónsdóttir, stórleikari Fjölbreytt starfsemi Leikfélagið gerir margt annað en að setja upp leikrit. Eitt af því er að standa fyrir námskeiðum. Reglulega eru leiklistarnámskeið í héraðinu. Svo eru líka haldin sérlega vel heppnuð partí öðru hverju og stundum horfa menn saman á gamlar upptökur af leikritum eða úr leikferðum. Svo hafa leikfélagar leikið í kvikmyndum, gert útvarpsþátt, haldið skemmtikvöld, staðið fyrir sprelli á hátíðisdögum, sungið, samið og dansað. Möguleikarnir til að gera skemmtilega hluti í leikfélagi er vægast sagt óendanlegir. Okkur vantar fleira fólk!!! Hefur þú áhuga á að stíga á svið eða starfa við leiklistina? Þá er um að gera að ganga til liðs við Leikfélagið. Margar hendur vinna létt verk og að mörgu er að huga öðru en leiknum sjálfum; leiktjöldum, búningum, lýsingu, leikskrám og skemmtunum. Leikfélög eru skemmtilegur félagsskapur sem gaman er að starfa með. Það er hverju leikfélagi lífsnauðsyn að sífellt mæti nýtt fólk með nýjar hugmyndir til starfa. Formannatal Leikfélags Hólmavíkur: Jóhanna Ása Einarsdóttir 2005- Arnar Snæberg Jónsson 2004-05 Einar Indriðason 1999-04 Arnar Snæberg Jónsson 1998-99 Sigurður Atlason 1994-98 Salbjörg Engilbertsdóttir 1993-94 Sigurður Atlason 1992-93 Helga Björk Sigurðardóttir 1991-92 Jón Jónsson 1989-91 Haraldur V.A. Jónsson 1987-89 Katrín Sigurðardóttir 1984-87 Eyjólfur Kjalar Emilsson 1981-84 Heiðursfélagar í Leikfélagi Hólmavíkur: Friðrik Runólfsson (f. 26. júní 1922, d. 22. maí 1991) var gerður að heiðursfélaga í Leikfélagi Hólmavíkur á 10 ára afmæli þess. Hann var einn af máttarstólpum félagsins og lék í mörgum uppsetningum eftir að það var stofnað, auk fjölda hlutverka í alls kyns leikritum á Ströndum fyrir formlega stofnun Leikfélags Hólmavíkur. Það var sama með hvaða hlutverk Friggi fór, hvort hann lék prestinn, biskupinn, lækninn eða sýslumanninn. Allt var það jafn vel gert. Þó var mest um vert að njóta félagsskapar hans, því Friggi okkar var með eindæmum jákvæður og var með í öllu sem gert var af lífi og sál. Leikfélagið á honum mikið að þakka.
Spakmæli dagsins: „Það er svo gaman að leika.“			Vefur: SÖGUSMIÐJAN © 2002