|
              
| |
Litla rækjan
eftir Hafþór Torfason
|
Einu sinni var lítil rækja
sem vildi skoða heiminn en
nennti samt ekki að synda út í heiminn. Mamma hennar sagði á hverjum
einasta degi að hún þyrfti að fara að skoða heiminn eða fara í það minnsta
að heiman,  En
litla rækjan fór bara að lesa og hrærði sig hvergi. Svo var það einn
daginn að það kom hákarl og rústaði húsinu hennar og elti hana langt út á
haf, burt frá húsinu og burt frá mömmu og pabba. Nú sá rækjan sér enga
undankomuleið. Hún synti og synti en hákarlinn dró á hana. En svo sá
rækjan að vatnið var farið að grynnka og það voru rimlar svo að hún komst
ekki í burtu, hún var lokuð inni með þúsundum af öðrum rækjum, þær lyftust
hærra og hærra nær yfirborðinu. Svo voru hún og hinar rækjurnar komnar um
borð í skip og þar endaði líf litlu rækjunar sem þótti svo vænt um mömmu
og pabba. Hún fór í rækjuvinnsluna Hólmadrang, og var svo étin ofan á
brauð.
|
|
|
|
